Li pastori la statina
À u frescu di la muntagna
À l'ochju di la funtana
0 chi gioia ! Chi cuccagna !
Acqua fresca è savurita
Cresce cent'anni di vita.
0 cusi dolci mumenti !
E tante belle serate ! Quandu sonu à lu merezu
E pecure cù le capre ;
À u pede di un bellu frassu
Chi deliziose sunate !
Quand'ella s'alza la luna
E ch'hè smaritu lu ghjornu
S'avvicinanu à la chjostra
Le bestie di lu cuntornu ; Ancu sin'à lu maghjale
À lu stazzu hè di ritornu.
La ghjente di lu vicinu
Hè prestu tutta in bisbigliu,
Quale piglia la paghjola
È per munghje ogni stuvigliu
È lu fruttu inzucaratu
Chi ci sarà cullucatu.
Quante s'ellu era à la festa
Alegru hè lu pastore
Durente ch'ellu si canta
Qualchi canzona d'aurore ;
À munghje hè lu so travagliu
Lu face di bon core.
E quandu tuttu hè finitu
Di questa l'operazione
Si né rientre in capanna
E poi si manghja un buccone.
Dopu cu la pipa in botta
S'indorme nantu u pilone.
Falanu tutti à la festa
La Dumenica da mane
Per sbramassi di li soi ;
À lu stazzu nimu si stane
È per guerdà la mubilia
Solu ci ferma lu cane.
A scabulata di sole
Si ne vanu plan pianinu,
So sempre alegri è cuntenti
Lu longu di lu caminu.
À lu stazzu sô di ritornu
Quandu la notte hè vicinu.
Lu travagliu abituale
Cun gioia ripigliaranu
Quantu l'aghju invidiati
La statina è lu veranu !
Avà li salutu tutti
Cu lu miô cantu più sanu.